Lumuha na naman ako dahil sa iyo
Tula ni Raymund Tamayo
Sa bawat iyak,
Gumugulong ang patak
Ng luha.
Natikman,
At nalamang maalat…
Maalat pala ang buhay.
At pag natuyo,
Ang luha ay nagiging muta.
Narinig ko na iyan.
Hinihiling ko na matuyo
Ang lahat ng aking luha,
Para tuluyang maisara ng muta ang aking mga mata,
At sa gayon ay hindi na kita makita,
At hindi na rin maalala
Na
maalat pala ang buhay.
No comments:
Post a Comment