Hanap Kita
Tula ni Raymund Tamayo
Isang gabi lang
at ang lungkot ay hindi malirip.
Paano na kung isang taon kang
wala?
Ano’ng mangyayari
kung hindi na kita makilala
ang
mga braso mo
ang labi mo sa aking pisngi
tuwing gabi
ang mga titig tuwing almusal
ang mga lakad sa bukang-liwayway?
Hindi ko na kayang mag-isa
ngayon.
Hanap kita tuwing isasara mo ang
pinto
para pumunta sa kabilang kuwarto
palayo
sa akin.
Para bagang isang bata
hindi ko na kayang mag-isa.
Kaya bilisan mo.
No comments:
Post a Comment