Kahapon
Tula ni Raymund Tamayo
Kung maibabalik lang natin ang kahapon ---
maglakad
ng ilang kilometro
sa ulan,
maglaro
ng Family Computer
sa
sala niyo,
mag-away
ng matindi dahil kay
Ely
Buendia,
marahil pipilitin kong
mahalin ka ng higit pa sa inialay ko noon.
Marahil ngingiti ako ng ngiti
na mas maayos kaysa mga ngiting
ibinigay ko noon.
Hindi lang ikaw ang minahal ko
(o
ang malamig na buhos ng ulan),
o ang bawat sandaling hinihipan mo
ang tenga ko tuwing hapon.
Mahal ko rin ang amoy ng mga kuwartong
pinanggalingan mo...
ang mga haplos na hindi ko pa nakilala
magmula ng dumating ka.
Maging mga kaaway mo, minahal ko,
sapagkat dinadala ka nila sa piling ko
para humingi ng saklolo.
No comments:
Post a Comment